Die Kirche entdecken – den Glauben finden
anflar la cardientscha
Der Oktober gilt traditionell als Rosenkranzmonat.
Auch wenn dieses Gebet immer weniger praktiziert wird, so ist der Rosenkranz doch für viele Menschen wichtig und ein täglicher Begleiter.
Passend zu diesem Monat stellen wir an dieser Stelle ein Bild aus der Kirche Sagogn vor.
Es befindet sich rechts vom Chor in der Rosenkranzkapelle.
La caplutta dil S. Rusari muossa maletgs dils misteris dalla letezia, dalla tristezia e dalla gloria. Nus envidein da dar in sguard sin il maletg che muossa co igl
aunghel Gabriel semuossa a Maria.
Text biblic
Il maletg sebasa sin il text biblic ch’ei d’anflar tier igl evangelist Lucas (1,26–38): Il sisavel meins ei igl aunghel Gabriel vegnius tarmess da Diu en in marcau dalla Galilea cun num Nazaret tier ina giuvna ch’era spusada cun in um ord la casa da David. Quel veva num Giusep, e la giuvna veva num Maria.
El entra tier ella e di: Salidada, ti pleina da grazia, il Segner ei cun tei. Da quels plaids eis ella vegnida tut perplexa ed ei sedumandada, tgei che quei salid hagi da muntar.
Mo igl aunghel di ad ella: Buca tema, Maria! Pertgei ti has anflau grazia tier Diu. Uarda, ti vegns a concepir e parturir in fegl. A quel dueis ti dar num Jesus. El vegn ad esser gronds, ed ins vegn a numnar el Fegl digl Altissim. II Segner Diu vegn a dar ad el il tron da siu bab David. El vegn a reger la casa da Jacob per adina, e siu reginavel vegn mai a ver fin.
Mo Maria di agl aunghel: Co duei quei daventar, damai che jeu enconuschel buc in um? Igl aunghel rispunda: II Spért sogn vegn a vegnir sur da tei, e la pussonza digl Altissim vegn ad umbrivar tei. Perquei vegn era igl affon ad esser sogns e vegnir numnaus Fegl da Diu.
Uarda, era tia parenta Elisabet ha concepiu in fegl en sia vegliadetgna ed ei en siu sisavel meins, ella ch’ins numnava la nunfritgeivla. Per Diu ei gie nuot nunpusseivel. E Maria di: Mira, jeu sun la survienta dil Segner; a mi daventi suenter tiu plaid! Ed igl aunghel ha bandunau ella.
Salidada
Il text biblic ei la basa per l’oraziun dalla »salidada” che introducescha mintga misteri:
Salidada, seis ti Maria, pleina da grazia, il Segner ei cun tei. Ti eis benedida denter las dunnaus e benedius ei il fretg da tiu best, Jesus.
1. Misteri da letezia
Jesus, che ti has concepiu entras il sogn Spért Igl emprem misteri da letezia sereferescha agl inscunter biblic descret sura e presentaus sil maletg.
Detagls dil maletg
Il maletg muossa entgins detagls, ils quals meretan attenziun. Aschia p.ex. il s. Spért, cheu presentaus el simbol dalla columba. Sin el sereferescha la concepziun.
Gelgia e Veder Testament
Igl aunghel Gabriel surdat a Maria ina gelgia alva. La flur vala sco simbol d’innocenza e purezia. Il cudisch aviert avon Maria vul exprimer il ligiom tier il Veder
Testament, nua che l’annunziaziun dil Messias vegn descreta dil profet Jesaja.
Scuvierer
Wir wünschen Ihnen viel Freude bei der Entdeckung dieses Bildes.Vielleicht verbinden Sie den Besuch der Kirche in Sagogn und die Betrachtung des Bildes mit dem Beten des Rosenkranzes.