Überspringen zu Hauptinhalt

Buca mo in „annus horribilis“ – era in „annus domini“

Igl onn 2020 ha menau la carstgaunadad al limit da sias pusseivladads. La veta privata, sociala, economica ed ecclesiastica ei semidada considerablmein ils 2020: restricziuns, fastedis per il plaz da lavur e l’exitenza, tema digl infect, mellis infectai per part grevamein els spitals, mellis morts era en Svizra. In onn sco nus vein aunc mai giu, era buc nus pli vegls.

Naven da miez mars tochen il davos da matg ein tuttas funcziuns liturgicas en baselgia stadas scumandadas. In grev temps per mei e per quels che prendan regularmein part al survetsch divin. En quei temps  ein l ’Jamna Sontga, Pastgas e las fiastas dall’ Emprema S. Communiun e dalla Creisma curdadas. Tut ha stuiu vegnir detg giu e silpli astgau vegnir celebrau cun 5 persunas davos portas serradas. Battens ein vegni spostai sin pli tard e sepulturas han astgau vegnir fatgas mo culs pli pli tier. Naven da Tschuncheismas vein nus astgau celebrar il survetsch divin cun respectar las reglas da higiena e distanza ch’ein lu naven da miez october puspei vegnidas pli rigurusas.

Mo duront quels meins ein era novas ideas ed initiavas sereghegliadas. Nus vein preparau duront il Lockdown ed uss duront igl Advent e per Nadal in survetsch divin per a casa, per carschi ed era per famiglias e mess oraziuns e devoziuns en baselgia e sin la pagina da casa dalla pleiv per il diever privat. Quellas purschidas han anflau vasta accoglientscha.

Engraziament

Quei temps ha pretendiu da nus bia capientscha. Biars ein segidai en pleiv ed el cerchel da vischins ed enconuschents. Tuts han teniu la dira e priu sin els lavur supplementara duront quei grev onn. Quei dat curascha da passar vi en in onn niev en fidonza che quel migliuri bia da quellas plagas e stentas da quei onn.

Jeu fineschel quella revista digl onn 2020 cun zacontas lingias ord ina meditaziun en lungatg tudestg:

Wenn ich nicht weiss, wie weiter
wenn mir der Mut fehlt
wenn mir Worte fehlen
dann hast du, o Herr, mir zugesagt,
dass der Geist des Vaters
mir den Weg zeigen wird,
mir meine Verzagtheit nimmt: 

Wenn ich kraftlos bin,
wenn ich eigeengt werde,
wenn ich nach Leben hungere,
dann schenkst du, o Herr, mich dir selbst
in einem kleinen Stück Brot.
Lebensquelle, ganz klein und doch so gross. –
Schon einmal warst du ganz klein
damals in der Krippe
und wurdest uns zum Heiland
ganz gross

Geheimnis des Glaubens
aus dem ich lebe, hier und jetzt.
Dank dir.

Sur Alfred Cavelti

An den Anfang scrollen