Finistrel biblic
Ils tschun cudischs da Moses
Igl onn 2022 ei in niev tom dalla Bibla ecumena romontscha cumparius.
El cuntegn ils tschun cudischs da Moses che fuorman l’entschatta dil Veder testament:
- Genesis
- Exodus
- Leviticus
- Numeri
- Deuteronomium
Ils texts biblics cuntegn ils bellezia raquents dalla scaffiziun, dad Abraham e Sara, da Moses, Josef ed aunc bia auter.
La gruppa da translaziun ha fatg gronda lavur dad edir il cudisch en in lungatg sursilvan bein capeivel.
Uss vul il cudisch denton era vegnir legius!
Ord quei motiv purschin nus quater seras biblicas per introducir ils cudischs.
Duas scuntradas han liug quest atun a Sevgein, duas ulteriuras cun la cuntinuaziun l’entschatta digl onn 2024
a Sagogn, pia en duas da nossas pleivs romontschas.
Nus recumandein zun fetg la participaziun e sespruein da s’avischinar ensemen cun vus a quei grond scazi biblic a moda sempla e capeivla per mintgina e
mintgin.
El decuors dil meins settember anfleis vus ina broschura d’informaziun en las baselgias.
Las seras han liug en lungatg romontsch.
Igl ei d’avantatg da visitar tut las quater seras, quei ch’ei denton buca cundiziun.
Ils termins digl atun
- Mesjamna, ils 20 da settember
- Mesjamna, ils 18 d’october
Mintgamai allas 19.00–21.00 en Scola veglia a Sevgein.
Annunzias entochen ils 13 da settember tier Flurina Cavegn-Tomaschett, 079 741 90 49,
seelsorgerin.ilanz@bluewin.ch
