In’oraziun per Rogaziun Federala ed auters muments d’ engraziar, far penetienzia ed urar

«Il paun da mintgadi dai a nus oz»,
quei rughein quasi mintga di,
e nossa meisa ei emplenida.
Nus savein engraziar a ti, bien Diu.

«Il paun da mintgadi dai a nus oz»,
quei rogan biars carstgauns sin gl’entir
mund, denton tier biars resta la meisa
vita. Els san buc engraziar.

«Il paun da mintgadi dai a nus oz»,
quei rughein nus buca mo per nus.
Gida nus, bien Diu, che nus gideien a
reparter tiu paun da mintgadi, leu nua
ch’igl ei necessari, per che tuts sappein
engraziar.