Überspringen zu Hauptinhalt

Jeu sesevel en in caffè a Glion

2001 – igl onn che nus vegnin maina ad embliar. Ils attentats a New York, igl attentat a Zug, curdada d’in aviun a Bassersdorf, il tunnel dil Gotthard brischa, ed il Grounding dalla Swissair…Eveniments che restan presents ella memoria collectiva da nossa societad aschia sco sche tut quei fuss schabegiau l’jamna vargada. Tut quels maletg da tema ed anguoscha ein barschai profundamein en nies intern, han piars pauc, ni mo minim da lur sgarschur. Segir san aunc ils biars da vus exact e bien, nua che vus eras e tgei che vus fagevas, cu vus haveis intervegniu per exempel dils attentats a New York. Jeu sesevel en in caffè a Glion cu jeu hai viu ils emprems maletgs dils sgrataneblas en fiug. Jeu audel aunc oz la musica che ha adina puspei accumpignau quels maletgs da terrur: Only Time dad Enya.

 

Nua sevolver?

Duront igl scriver quei “Blog” hai jeu aunc ina gada mirau in cuort video sur da quei act terroristic. Ed era sche vegn onns ein vargai dapi lu, han els caschunau ils medems sentiments da tristezia, nuncapientscha, esser sepiars eav.

Tgei fa il cartgaun en ina tala situaziun, nua sevolva el, tgei dat tegn e sustegn en talas situaziuns sgarscheivlas.

Nus da Sagogn havein gest festivau dumengia vargada nossa Perdanonza pintga, schi da dir ina “fiasta” che contempla Maria, la mumma dolorusa. El decuos dils tschentaners ha quei maletg, la mumma sut la crusch, la pietà, segir purschiu a tschiens e mellis dunnas ed umens confiert. Il carstgaun cartent astga sentir en situaziuns da temas e desperaziun, era sch’el capescha buc il pertgei e daco, ch’el ei tuttina buca piars. Nus savein numnadamein buca curdar pli profund ch’els mauns da Diu.

Armin Cavelti, gidonter pastoral

 

An den Anfang scrollen