Communicaziuns Schluein
Perdanonza e fiasta dallas quater pleivs
Dumengia, ils 21 da zercladur
La pleiv da Schluein envida uonn alla fiasta dallas quater pleivs. Quella sentupada ha liug a caschun dalla Perdanonza dils patruns-baselgia s.Pieder e s. Paul.
La processiun cul Sontgissim meina uonn giu sil plaz-scola.
Dapli informaziuns ein d’anflar sut la part generala.
Entschatta digl onn da scola
Il niev onn da scola entscheiva gliendisdis, ils 17 d’uost allas 08.00 uras cun ina cuorta devoziun/meditaziun sin plaz-scola.
Survetschs divins duront l’jamna
La participaziun al survetsch divin dil venderdis sesminuescha cuntinuadamein.
Ord quei motiv ha la messa duront l’jamna naven digl onn niev sulet liug inaga al meins, pil pli il secund venderdis.