Maletgs raquentan

Il pumer da Pastgas ei in mudest pendant tier il pigniel da Nadal. Quel ha siu origin en Tiara Tudestga. E dapi in triep onns eis ei daventau usit era tier nus da far quella decoraziun per Pastgas. Ins taglia frastgas ch’entscheivan a catschar sin plontas e caglias e tschenta quellas en ina vasa. Quellas catschan lu ora feglia e fluras el cauld dalla stiva. La veta che semanifestescha cheu muossa vi sin la levada dil Cristus, la veta nova ch’el ha regalau a nus tuttas e tuts tier sias Pastgas. Ed era ils ovs ch’ins penda vid las frastgas, simboliseschan la veta. Ord  ovs cuai, schluettan ils pluscheins che rumpan si la crosa. Semegliontamein ha Cristus siglientau il crap che curclava sia fossa ed ei levaus a nova veta.

Che Vus hagies ina tala decoraziun en Vies dacasa ni buc, da cor a Vus tuttas e tuts benedidas Pastgas.

Sur Alfred Cavelti