Fastitgs el meins avrel

Tgei bellezia dis: Il sulegl va pli tard da rendiu, andas fan la catscha, utschals contan en sempitern, il pastg crescha e daventa clar-verds, ins sa cattar ad agur bransins da neiv, narcissas, safraunas da primavera, clavs sogn Pieder ed auter – denter pastg vegl e colurs brinas. L’aria frestga ed il sulegl caliront envidan dad ir a spass, era sch’igl ei da sentir meinsanual in freid permalus. En quei cuntrast anflel jeu ils fastitgs digl unviern, uss, alla fin dil meins mars, alla fin dalla Cureisma.

La natira en quels dis muossa a nus era ils fastitgs da cardientscha. Nus savein persequitar ella natira il rumper si, la speronza ed il crescher. Suenter la stagiun da legria dil tscheiver ed ils curonta dis dalla preparaziun sin da Pastgas (magari in tec scarta e tresta) sa la fossa buca pli tener Niessegner. Cun ina sfraccada sesarva la fossa ed ord quella crescha la veta eterna.

Benedidas Pastgas ed in bi temps.

Stefan Bolli, collaboratur pastoral