Advent – Temps enstagl da caussas

Advent, il temps da spetga e da preparaziun sin la fiasta dalla naschientscha da Jesus. Mo igl ei era mintg’onn puspei in temps da truscha e hectica. Il “countdown” marscha.

Gia ein treis candeilas envidadas vid il tschupi d’Advent! Nadal vegn pli e pli maneivel ed aunc ton ei ni fuss da far tochen quei di. Stop!!! Co fuss ei, da gest regalar zatgei che maunca a nus il pli fetg: TEMPS!

Quei cuosta a nus pauc, ni schizun nuot. Temps per mei, temps per tei. In surrir, in’egliada beinvulenta, in maun aviert, in plaid beinvulent.
Seschar en sin gestas curteseivlas ed era sespruar da reparter tals messadis als concarstgauns. Regalar in surrir, quei lai magari scarldar daniev in cors sferdentau. Reparter in cumpliment, schar tarlischar in surrir sin la fatscha d’in iester ed era passentar bialas muments cun concarstgauns che schain ad ins a cor.

Aschia giavischel jeu a ti ed a mi in bi TEMPS d’Advent!

Armin Cavelti, catechet e gidonter pastoral