Überspringen zu Hauptinhalt

Communicaziuns Sagogn

Creisma 2021

Da Gliendisdis-Tschuncheismas, ils 24 da matg, han 14 giuvenils da nossa pleiv ed ina giuvna da Glion retschiert il sogn sacrament dalla Creisma. Muort las restricziuns (lu 50 persunas en baselgia) ha la fiasta giu liug silla plazza da ballapei a Schluein Crap Gries. Gl’ei stau dign e bi. Ils resuns da vart dals geniturs e parents ein stai positivs.

Nus engraziein all’Uniun Sportiva Schluein/Glion che ha mess a disposiziun l’entira infrastructura a nus. Quei ei veramein fetg niebel.

 

Survetsch divin duront la stad

Il fenadur tochen miez uost reducin nus ils survetschs divins. Ils davos onns ei semussau che la participiziun ei onz pintga. Duront l’jamna ei negina messa e las dumengias ei differentas gadas il survetsch divin ella pleiv vischinonta.

An den Anfang scrollen