Communicaziuns Sevgein
Niev presidi dalla pleiv
La radunonza dalla pleiv Sevgein/Castrisch/Riein ha elegiu l’entschatta zercladur Alice Bertogg sco nova presidenta dalla pleiv. Ella succeda a Simon Berther che ha demissiunau.
Nus admettein in cauld engraziel a Simon e cordiala gratulaziun ad Alice.
Survetsch divin si s. Fossa
Per far diever dalla biala caplutta celebrein nus enqual survetsch divin duront la stad si s. Fossa:
25 da fenadur allas 19.00 uras (silsuenter stiva da caffè ell’ustria Cauma)
16 d’uost allas 11.00 uras.
Entschatta digl onn da scola
Gliendisdis, ils 17 d’uost allas 09.00 uras
Igl onn da scola 2026/2027 entscheiva cun in survetsch divin ecumen en baselgia a Castrisch. Quei mument duei schar sentir schibein ils affons sco era las famiglias ed il team scolastic, ch’els vegnan accumpignai da Diu e sia benedicziun tras il niev onn da scola.
Survetsch divin ecumen sin l'Alp Pitieri
Il survetsch divin sill’Alp Pitieri ha liug la dumengia, ils 23 d’uost allas 11.00 uras.
La giuventetgna vegn puspei a cooperar e mirar che tuts vegnien a survegnir zatgei da magliar e da beiber.
Sche l’aura ei buca buna, ei il survetsch divin allas 11.00 uras en baselgia a Sevgein.
Altarschmuck Sommer
Viadi da ministrants el Säntispark
Enstagl da durmir ora duront nies di liber, essan nus levai ad uras per ir sil viadi da ministrants. Nus essan tuts selegrai sin la viseta el Säntispark.
La pausa d’ensolver havein fatg el tancadi dalla vallada dil Rein. Leu ha il roboter “Bella” surviu si nus cun dabeiber e cornets. Suenter in’ura essan nus finalmein arrivai el bogn. Nus havein gudiu las ruschneras e havein nezegiau tut las pusseivladads da divertiment el parc dad aua.
Schubers e frestgs essan nus lu turnai cun nies bus a casa, naturalmein cun far in pign “stop” el MC Donalds.
Quei ei stau in cool viadi. Engraziel che nus havein astgau guder quei di communablamein.
Ils ministrants da Sevgein: Gian, Onna Paulina, Simon, Flurin, Nino, Roc Mattiu e Mauro
Fotos dalla pardanonza
Informaziun revonaziun dalla baselgia s. Tumasch
Las informaziuns detagliadas vegnan tarmessas en fuorma d’in messadi en las casadas dallas parochianas e dils parochians.
Film dalla baselgia s. Tumasch e caplutta s. Fossa
da Noah Malin
Noah Malin ha fatg in pign film dalla baselgia s. Tumasch e dalla caplutta s. Fossa.
Cun quei link saveis vus mirar il film
Film baselgia s. Tumasch e s. Fossa