Fastitgs el meins schaner
Atgnamein level jeu scriver il blog dil schaner davart ils fastitgs ella neiv: maletgs che plaidan da veta, d’aventura, dalla bellezia dalla scaffiziun. Pil mument occupeschan mei denton auters fastitgs: quels dil sgarscheivel incendi a Crans-Montana. Fastitgs da vias da veta che fineschan. Fastitgs da nundetga tristezia els cors dils carstgauns. Fastitgs dil barschament sin corps giuvens. Igl ein fastitgs che vegnan per veta duronta a regurdar vid la tragedia da biemaun 2026. Forsa han las persunas nudadas dil barschament in di la forza da veser en lur urdadiras fastgitgs da veta, dil surviver.
En tals muments para ei quasi nunpusseivel da veser ils fastitgs da Diu. La damonda dil «daco» e la stgiradetgna plaidan cun ferma vusch. Denton gest leu semuossa Dieus – buca en argumentaziuns, mobein en la vischinonza dils carstgauns che gidan, consoleschan, queschan, uran e muossan solidaritad.
Flurina Cavegn-Tomaschett, collaboratura pastorala