Introducziun cudisch da cant CLOM
Il matg passau ei il niev canzunari CLOM vegnius presentaus a Sagogn. El decuors dalla stad ei il cudisch arrivaus en scadina da nossas quater pleivs.
Uss spetga el da vegnir duvraus.
La fin d’jamna dils 12/13 resp. 20 da settember vulein nus introducir il cudisch en nossas pleivs cun in act festiv.
Il cudisch da cant remplazza igl Alleluja che ha surviu naven digl onn 1982.
Tgei ei niev?
- Il cudisch da cant ei da gener ecumen e survescha aschia pil diever da pliras confessiuns.
- Il cudisch cuntegn novas canzuns cun caracter actual schibein dil lungatg sco era dil stil musical.
Tgei ei manteniu/surpriu?
- Il CLOM cuntegn in triep canzuns ord igl «Alleluja» resp. ord il «Lauda il Segner» dalla Baselgia reformada.
- Certs texts da canzuns ord igl Alleluja han survegniu ina nova melodia
Co vegnan las canzuns recepidas?
Ils survetschs divins vegnan a dar spazi schibein a canzuns enconuschentas sco era allas novas. In tschep da canzuns novas vegn duvraus repetidamein, entochen che las novas canzuns ein pulit enconuschentas.
Era el «meloDIUs» vegnan las novas canzuns ad haver in ferm plaz.
Tgei drova ei?
Nus astgein haver plascher da nies niev canzunari. Lein esser aviarts ed appreziar schibein il niev sco era la tradiziun/il vegl.