Maletgs raquentan

Savens valetein nus caussas ed era carstgauns tenor la pareta. Exteriuramein fa quei crap pauca pareta. Sin via fuss el enta peis e vegness stuschaus dalla vart!

Endadens ei denton ina custeivladad zuppada. Per mei ei quei crap in simbol pil carstgaun. Buca la pareta ei impurtonta, mobein il cuntegn, igl intern. Lez ei buc adina veseivels. Cun il psalm 139,13-14 astgein nus dir: Pilver, ti tez has scaffiu miu pli intern, has tessiu mei en il best da mia mumma. Jeu engraziel a ti che jeu sun vegnius scaffius ton marviglius.

Sur Marcus Flury, spiritual gidonter