Maletgs raquentan

Aschia eis ei! Sch’ina via ei bloccada ni interruta sco dapresent denter Glion e Sevgein, lu hai num prender in’untgida. Quei ei buca sulettamein aschia el traffic. Era sin differents camps dalla veta eisi magari da prender in’autra via per contonscher ina finamira. Sch’ina lavur va buc propi orda maun, lu drovi ina nova emprova per finir quella. Ni sch’ina relaziun tier zatgi ei disturbada, lu hai num encurir in niev access tier quella persuna.

Ei drova fantasia, curascha ed empau sforz per contonscher quei ch’ins vul. Ed ei dat adina ina pusseivladad da contonscher ina finamira.