Überspringen zu Hauptinhalt

Wir sind Kirche
Nus essan Baselgia

Während eines Jahres haben sich verschiedene Personen aus unseren Pfarreien unter dieser Rubrik Wir sind Kirche vorgestellt. Wir haben Einblick erhalten in ihren Dienst, aber auch in ihr Glaubensleben. Herzlichen Dank dafür!

Durch sie und viele andere ist und bleibt die Kirche eine Kirche, die geformt ist aus lebendigen Steinen. Danke euch allen für euren Einsatz.

Tgei survetsch fas ti per la pleiv?
Jeu fetg part dil team da lecturs/lecturas en nossa pleiv da Sevgein/Castrisch/Riein. Quei team secumpona ord 5 dunnas e 2 umens. Nossa scharscha ei da leger duront il survetsch divin la lecziun ord la bibla e da purtar avon las supplicas.

Tgei dat a ti la motivaziun da s’engaschar?
Dapi che nus habitein cheu a Castrisch sundel jeu en ina moda ni l’autra adina staus in tec engaschaus ella pleiv. Suenter diesch onns sco president dalla pleiv hai jeu vinavon fatg part dil cussegl pastoral. Per mei ei la motivaziun stada quella da dar enzatgei anavos. Jeu vesel era ina certa obligaziun da s’engaschar.

Tgei apprezieschas ti vid la Baselgia?
La Baselgia sco instituziun ei per mei in tetg ch’ei drova. La pleiv ei denton la cuminonza che schai pli datier e leu san ins sco commember purtar en pli bia.

Dat ei in liug nua che ti sentas en special la vischinonza da Diu?
Jeu mondel bugen en capluttas semplas e senza pump. En tals loghens sesentel jeu pli libers. Denton prendel jeu era bugen part da survetschs divins en nossa baselgia a Sevgein, e surtut era cu il chor conta dat ei savens muments conmuentonts.

Co sto la Baselgia sesviluppar per ch’ella hagi in futur?
La Baselgia duess vegnir pli aviarta per novas ideas. Plinavon eis ei da far quitau per quels che s’engaschan per la Baselgia. Ei dat memia bia frustraziun tier buna glieud e che va aschia sin distanza. Quella glieud mass sin las famiglias. Ellas cun lur affons e giuvenils ein il futur era tier la Baselgia. Perquei basegna ei cheu d’in grond engaschi en tuts graus.

Tgei oraziun dat forza a ti?
Il babnos ei per mei la pli biala oraziun. Quell’oraziun atgnamein sempla cuntegn denton aschi bia fassettas che lai anflar ins cun meditar adina novs patratgs.

Tgei text biblic schai a cor a ti?
E sco quei che vus leis ch’ils auters fetschien a vus, aschia fagei era vus ad els. (Lucas 6,31)

An den Anfang scrollen