Engraziel

Avon cuort hai jeu stuiu star entgins dis en spital pervia d’ina operaziun. Negin va bugen en spital. Ins entra leu propi cun in tec sterment e curios’ sentiments.

Per cletg dat ei tgirunzas e tgirunzs che san prender ad ins la tema. Ellas ed els fan quei buca cun gronds plaids, mobein entras in fin sentiment ed entras empatia, aschia ch’ins daventa internamain ruasseivels ed ha fidonza en lur tgira.

Malgrad tutta tecnica medicinala, malgrad la vasta birocrazia ch’ellas han da prestar vid il computer, stat aunc adina il carstgaun, il pazient cun ses fastedis e ses mals el center, era sch’el ei forsa enqualga malpazients. Sch’ins scalinava per in agid sche era negin survetsch da memia, mobein vegneva prestaus sco sch’ei secapess da sesez e cun carezia. Quei fa bein, promova la confidonza e finalmein il migliurament. Secapescha ch’in engraziel da vart dil pazient fa era bein alla persuna che tgira e motivescha ella.

Miu blog ei cuorts. Mo cun el engraziel jeu a tuttas persunas che tgiran malsauns e glieud attempada. Jeu admirel ellas. Ellas ein veramein profis e meretan nies sustegn. Ellas realiseschan carezia proximala.

Sur Marcus Flury, spiritual